大家好,我係TFG2杂谈区嘅斑竹之一,融合柯柏文。
大家从我嘅ID名称就应该可以了解到,我係一个纯正睇住粤语《变形金刚》长大嘅广东人,今日咁少有地上嚟发帖,主要就係为咗近排发生喺我地众多TF迷友身边嘅一件重要事情——关于即将到嚟嘅真人版《变形金刚》大电影嘅译名问题,而我亦都只係发表一下自己嘅睇法,绝唔係想挑起任何所谓嘅语言之争。
各位都非常清楚,我地中国存在住两种广泛使用嘅语言——普通话同粤语,呢两种语言都已经并存咗N年,而且都各自发展到唔同嘅境界,可以讲係“各自各精彩”。因为各自发展嘅方向唔同,所以我地经常会发现使用呢两种语言嘅朋友,对同一种事物会有唔同嘅称呼,有时候会整出一啲笑话,但係我地身为古代、现代同将来都享有不俗声望嘅民族之一,对于呢啲小小嘅善意误会,我地都总係可以包容同善待,绝对唔应该为咗一时对某事物嘅错误理解或者唔合心意,就急住认为有其他人唔认同自己嘅睇法。其实要知道,中国人係一个团结嘅民族,佢绝对可以包容每个人对同一事物嘅唔同睇法,因为我地都好清楚知道,唔同睇法嘅互相渗透、补充,随时可以激荡出一个跨时代革命嘅诞生。拥有与其他人唔同见解嘅TF迷友,完全唔驶担心会受到攻击,你地可以尽情咁发表自己嘅睇法,但係就请勿将一己睇法强加喺同样拥有唔同睇法嘅其他TF迷友身上咯~~
所以我认为,有啲朋友为咗“博狂”同“汽霸”嘅译名而恶意争论,甚至有污蔑嘅情况出现,完全係唔值得嘅一件事情。为咗唔值得嘅事情而烦,咁又有乜谓呢?不如两边都各自退让一步,开开心心咁一齐等待真人《变形金刚》电影嘅到嚟,欣赏一下新技术嘅进步将会带比我地嘅新世代感动,回忆起尘封已久嘅难忘童年,愉快讨论快乐激荡,岂不快哉??
最后,衷心希望各位嚟自中国各地嘅TF迷友,可以喺TFG2呢个温馨大家庭开开心心咁讨论讨论,研究研究,遇到唔开心嘅事情,即管同我地讲,我地会尽力帮你分忧;遇到开心嘅事情,更加要同我地讲声,因为你都清楚嘎~ :“独乐乐不如众乐乐”~~~
由于本人平时比较懒,所以言语可能会有啲生硬,就请各位多多包容下啦~~~
O(∩_∩)O