论坛风格切换
  • 7293阅读
  • 4回复

[新闻]2015年變形金剛三方大事回顧!! [复制链接]

上一主题 下一主题
离线9981
 

发帖
314
能量块
16673
经验值
2787
贡献值
0
交易币
0
只看楼主 倒序阅读 使用道具 0 发表于: 2016-01-22
原文: http://www.hk-tf.com/discuz/upload/viewthread.php?tid=36253&page=1#pid454489

2015年變形金剛三方大事回顧!!

今年三方對本人來說,終於供完自己目標的所有合體派啦!現在就像結局變成灰白的矢吹丈般,
不過三方整年的精彩產品還是不斷燃起我的小宇宙,無錢買,睇咁多位師兄入手出評都開心!
年尾又來回歸一下,跟本人另一官方回顧帖一樣,特別在FB找來不少師兄幫忙評下年度想讚想鬧!
因為人數眾多我沒有落名,用[[]]符號代表各師兄的寶貴評論。

首先說說本年最佳三方產品,我自己留意主要應該係以下兩隻,MT頭領葛文,DX9洛迪文


MT廠質素本身不用懷疑,而且今回以MP SIZE出港人最愛的頭領,
造型還原G1,金色呔鈴,合理的合金,

雖然可動和某些個別師兄QC有問題,也沒有當年G1的能量BAR小玩意但仍不減
入手師兄的一致好評,有愛頭領的人仕,不能不入!


接著,DX9洛迪文

DX9年頭有智慧魔星,評價本身不錯,

但10月出的洛迪文才正正式式為DX9擦靚招牌,
最吸睛的當然是日版美型的洛迪文造型,另一方面
當年MP洛迪文斷膝事件,令更多FANS對他寄予期望,


[[第3廠:三廠入唔多,首推dx9洛迪文,有櫃都可一體變形,
可惜大比左右動關節有d鬆,同埋武器難拿上手,但包裝夠細易收藏,
可惜放隻武器在車頭整花晒架車。雖讚好但還是有進步空間]]
[[DX9補天使真心正!]]

有別於其他三廠越來越複雜的變形,變形步驟合理,可動方面
膊頭雖有不足,手也握不穩長槍,第一版擋風玻璃因故有花痕,
但仍瑕不掩瑜,如此博派新世代首領,你有不入的理由嗎?




講完兩隻FANS最佳選擇,又講下2015三方新聞,三方一開始是以出官方配件起家,
2015除了有CW的合體大手腳,今年都有一配件不少人入,就是MP可動手指,

可動手指在孩記D,V CLASS時代因太細難以實現,後來三方興起
玩大一點的SIZE,有FANS開始留意拳頭,還記得有"叮噹拳"這字詞吧!

MP SIZE正好配合這可動手指,單純可動手指的確激起玩單體擺POSE FANS們的心願!
擺起POSE,真係醒神好多!

离线9981

发帖
314
能量块
16673
经验值
2787
贡献值
0
交易币
0
只看该作者 1 发表于: 2016-01-22
前年的三方合體可說是恐龍派大戰,今年可說是建造派大戰,
我數到的加埋官方有四隻(孩記,TW,GT,DX9細版),

TW特大版建造派合體,雖然至今還未出貨,不過竟
有可動履帶,新消息田螺車仲可以轉,

雖然有不少師兄不大滿意TW前作合體恐龍的表現,
但實際出貨又能吸引多少人呢?




GT建造派出貨兩隻,評價不錯,QC算穩定,
內藏大合體手,達成一體變形的目標!




FPJ今年有新合體恐龍王,比上作合體車派相距一段日子,龍一有FANS不大接受
人型比例太肥矮,網上片段更有玩爛位,令人驚嚇!

至今出了四隻評價均屬一般,接著有FANS發帖出DIY改善教學,對比以前FPJ三廠大哥的形象,
這種情況實在令FANS失望,年中也有頭領鱷魚文哥色的版本,挺有趣!

但接連年尾出品的CLASSIC文哥新甲,設計也令人汗顏,
過去FPJ的設計師走去姊妹廠MT哪邊嗎?

[[最失望第三方:FPJ]]



MT保衛者,MT新合體今年開坑,也出了兩隻,評價一般,電單車有爛手柄問題,
而警車在廠方出圖時有接受FANS意見,把警車頂燈變成透明件,算令FANS滿意,

但計劃將會出的其他成員上FANS意見也不少,特別救護車方面,FANS有不少對
造型上的批評,廠方會否再接受FANS意見?請拭目而待。



絕創GC恐龍派,14年8月出了圖,至今年出了三隻,是最大隻的恐龍合體,頭一隻長頸龍
有QC問題,但第二隻劍龍大有改善,其實出貨時候,廠方老板在網上出了段介紹片,
大大表達自己的設計熱誠,令不少FANS讚好,到年未主體暴龍出貨也有不錯的評語,

[[最唔滿意有2間公司,1間係絕創恐龍派第2隻,做得很差,不過佢隻綱鎖有改善,加返晒分!]]
但一段消息令人憂慮,膊頭位連接位處脆弱,作為第一次出老變的新廠,表現不穩定會令
FANS熱心大減,且看來年收尾,合體表現如何。


今年其實都有幾套合體收尾,TFC的保衛派,TFC保持一貫好玩
硬淨合體企不穩,鍾意的FANS,習慣性一路入一路鬧,本作關節稍有改善,
但合體仍有企不穩的情況,作為這廠第四隻合體,增加手腳互換合體玩法,

[[tfc守護神主體成舊番薯!又係企唔穩]]
品質方面未有QC嚴重問題的報告,見MT都出保衛派,又有令FANS一直垢病的企不穩問題,
但令我意外也不乏有FANS入手,有不少人可能為早早完成7大合體,因為POST的都是7合體大齊集的SHOW OFF圖!


新一年還有一套煞星合體,暫時單體入手評價還有讚有鬧,
且看主體股關節進步與否(好像每次TFC合體FANS都有如此期望....)


TW的自創車派,成員出貨多年,15年終於收尾,TW變形位過份超準,令變形失去流暢感,
變形步驟因多而較複雜,合體以加件頭手腳來完成,以一體變形合體作主流的變形金剛,

當然令FANS不滿,本人有入手,撇除以上弱點,其實整套合體不算太差,
但因人氣極小的角色加自創合體,吸引力總是小了一點,更特顯以上缺點。


反觀另一隻TW恐龍派,還原G1電鍍加合體,吸引力十足,
沒有入手的我都覺鋼鎖好靚仔!
看來一遍好評,但合體表現只能說不比TFC好,

[[整體上品質係ok,但件武器(合體把雙劍)開頭話派返俾之前D客然後改成要有大陸地址,
仲要搞一輪! 佢都係做返國內同胞生意吧!]]
[[Tw隻修羅分體有hearts但合體就太差]]
後來廠方由收費變免費的合體大雙劍,香港竟然沒貨派,
令一眾FANS大大失望,這接連事件,會否影響下隻TW建造派呢?



UT魔神寶斯,前幾年獸派大戰成眾失之的UT廠,再次挑戰合體,
好像入手的人不算多,合體據聞也不太企得穩,單體來說評價不算太差,

所以請大家多多出評。暫時所見UT看來也有一定實力,但始終未有機會發圍,
不過三方又完成一隻未有其他廠出過的合體派,也算是為儲齊合體為目標的FANS的福音。


WB今年一次完成兩隻合體,軍事派合體,我自己入手感覺良好,跟FPJ的軍事派相比更大隻,
細節位稍多,有點影響觀感,但合體腳有PARTS,有必斷問題,幸好對整件玩具影響極微,

而科幻派,第二隻合體完成,評語一般,可能想入手的FANS已經前有MT,WB難免受影響。
單體比MT大隻,是WB其中的優點,合體也有一定的可動,也沒有TFC的企不穩問題,實屬良作。

不過,本人所見比前作軍事派人氣始終差一點,有不少人後追軍事派卻未聽聞追這新作,
原因何在呢?


今年香港潮語"土地問題",大大隻的老變可能確令不少香港FANS吃不消,
鐵廠 & DX9出品小小變形金剛,今年初現熱潮,細細隻,

佰多元一隻,來年仲會出建造派合體,

而且入手師兄一致好評,隨時拎出街玩,會否令不少FANS
想起小時候拿著玩具的時候呢?

[[最有潛力生產線:DX9和鐵工廠的legend class系列,以及hero hobby的Q版冇插/拆件變形系列。]]
离线9981

发帖
314
能量块
16673
经验值
2787
贡献值
0
交易币
0
只看该作者 2 发表于: 2016-01-22
單體方面,今年三方出了不少新品,而且SIZE方面已經跟上官方的MP系列,
看來三方看出,在前幾年好評的官方MP10文哥VER 0.2 和幾隻G1造型車仔開始,
FANS挺喜歡這玩意,作為官方最高質系列有比D CLASS ,V CLASS更大的SIZE,

G1造型,有誠意的設計為賣點,今年其實出了不少,而且來年有消息幾間廠
會同角相撞,到時鹿死誰手呢?
Dx9三變雷電,FT格威龍,X-Transbots & MT 火地獄等等...





本人會儘量介紹自己記得的2015新品XDD

有MP10文哥 VER 0.2,但多年來卻沒有麥SIR VER 0.2蹤影,某天官方有麥SIR新消息,
卻只是劣評如潮的MP5金版麥SIR,幾近令人沮喪....

終於上年X-Transbots發報了
MP麥SIR,當然令餓了良久的FANS如獲希望,而今年終於準時出貨了!
品質方面一般,有不少FANS不滿手用了不夠有力的BALL JOINT,也嫌用膠較幼怕斷,但入手的
FANS普遍有"雖有不足但仍是值得一入"的正面評價,

也許作為一直期待以久的麥SIR,只要品質不是太爛,也完算圓大家的心願了,
另一邊廂MT也發表自己的MP麥SIR,到時會否更令FANS接受呢?
同廠另一新品探子,好似唔太多人出POST,不過X-Transbots出價奇高,當然影響FANS入貨動力啦!




MT除了開頭介紹的MP頭領葛文,今年還有MP相機三兄弟和野犬,相機三兄弟比多年前TFC
出的造型完全G1,品質也沒有大問題,確更令G1 FANS受落,又比FT早出,當然有一定優勢

而野犬不少入手師兄也大讚特讚,MT更有兩種顏色版本,
膊頭可放得低一點而接近G1造型,如此誠意確得到不少FANS的支持!

[[最like係maketoy的探長,關節靈活,合金件夠,機械感重]]
IDW漫畫Tailgate/擋板和CLASSIC旋風配件,G1擋板本身是卒仔角色,因IDW漫畫的編劇寵幸
而人氣大增,漫畫內的情人(?)旋風先有官方CLASSIC版本,

這回MT不打算自己出新模旋風,單單擋板也許不夠吸引,而出品擋板和
CLASSIC旋風配件,充滿漫畫味道,確是對漫畫FANS有絕大殺傷力!


TFC 鐵皮&力捷 TFC第一隻MP化的單體角色,身體較方方正正,因官方MP鐵皮尿片太嚇人,
令不少FANS另投三方,但有兩點TFC設計出現奇怪的問題,(1)腳版沒有貼地 (2)倒後鏡易爛,
其實以上兩點本身設計上是可以改善的,奇怪地TFC以往這兩方面一向沒有問題,

[[主要係tfc,鐵皮同探長完全唔掂,鐵皮如果改成classis size會好d
風格已經係問題,探長簡直係不直一提,唔講樣,比例已經錯,人形同車形都係
,Tfc明明單體應該幾好,但要強行走mp路線搞到不倫不類]]
[[樣唔mp, 無貼地,左右手問題]]
[[其實最罪該萬死都係TFC鐵皮力捷 有咩可能一隻手可動另一隻正常插窿,
但另一款就反轉先得架。再加埋個反人類倒後鏡………]]

最後我用我去TC買的時候碰到有位師兄跟老細吹水的一句話作結語:"點解TFC次次都爭少少?"
[[第三方最失望產品:TFC鐵皮/力捷。唔係話佢差,而係期望與結果落差太大。
初初見TFC鐵皮灰模,有少少不相信是TFC,因為外形太強,叫人非常期待。
結果卻因為一兩個「致命失誤」,白白浪費了一個好設計,很可惜。]]



Voodoo 力捷  新廠第一作,評價有讚有彈,讚的有說變形設計佳,差不多沒有斬開車窗,
彈的嫌扣位太多,又要玩家自己塞鑼絲位,700左右,值不值?

[[第三方最驚喜產品:VR力捷,以一間新廠商的第一件產品,力捷的質素,包括外形和變形設計,
竟能勝過官方MP和歷史悠久的TFC,QC也竟然冇新廠商新產品的明顯失誤,讚!]]
官方MP力捷已出彩圖,幸好股關節位比鐵皮尿片好看點,
雖然變形和造型跟FANS要求有點距離,如果不想入TFC和官方,也許確是好的選擇。




MMC 上年出完獸派,今年出品不多,雖然出貨慢,但QC極好,基本上本人未聽過有問題,
我入手的確也如此,所以一向是FANS信心保證,先不說新品,只說新消息,也有不少吸引
人的,如霸王,火地獄,旋風,保衛派,雖然如此,但前前多年的新品消息也未有出貨,
以上幾隻真的要等多幾年吧......算啦!我每年都囉嗦這點,不說灰心事啦!

IDW漫畫D.J.D狂派制裁部門出了2隻長鎗同電椅,再有雷霆救兵的隊長(其實算係重塗角色)睇MMC個勢,

應該會出晒哩兩隊,仲有G1 MP向幻影,再加上暗黑版獸派合體。

[[最讚都係黑霹靂星,之前無原色,第一次玩。超實淨,膠料好,不易玩爛,
而且所有刀槍劍棍都能插上,無多餘件,變形又不太覆雜。
d色太靚,但有d易花……]]
MMC咁多隻我見都不算多人入手,特別D.J.D狂派制裁部門好似都唔少剩貨,畢竟真係要漫畫FANS
再加上有入開三方哩批人先有動力入,我自己一直在FB和論壇留意,香港真係有睇埋漫畫?
FANS唔算多,次次我講完都有師兄會問番D背景資料,難免去貨不快,反觀G1幻影見FB都係多人
話有入,唔知外國係點,出貨慢,去貨不快,本人有D擔心前景,希望跟住出D熱門角色會有改善。

离线9981

发帖
314
能量块
16673
经验值
2787
贡献值
0
交易币
0
只看该作者 3 发表于: 2016-01-22
PerfectEffect - LEONIDAS 獅子文,造型一絕,出圖已經引來討論,今年收貨,可惜很多玩爛的報告,
雖然如此,但入手的FANS不斷,可謂一路入,一路鬧!值得深思的事,一件玩具用來玩,還是用來擺,
無論如何,請FANS自己決定!

[[最差……其實無乜,要數可能係pe 獅子文,嚴格黎講唔可以話係老變,屍站黎計一流,好襟睇,
但唔好玩,手腳鬆泡泡連擺pose 都有難……]]




FT...死啦!我都無乜留意哩間廠,好似上年都出過下隻劍龍(?),仲有蟲仔,顯微鏡....我都唔知講乜好XDD
放過我啦!唔想講錯!

[[我最想凸係 FT 既 perceptor , 簡直係FT 大倒退]]
有無人可以補原下,打這編文FT剛出了相機三兄弟,跟MT的各有千秋,看來接下來的
火棒,格威龍,野犬更有信心保證,特別格威龍人型比DX9更好,希望新一年有出貨消息!



DX 9 格威龍 由於同廠洛迪文太紅,相比下哩隻有少少相形見拙,特別難變形的腳部份和容易甩的可動手指
,我自己都有入,我自己就覺得好唔錯啦!

[[起初都係期望愈大失望愈大 尤其係變形變到手指痛 D手指又好易跌出來
不過變慣後又覺得佢愈望愈有形就咁企係度都好有霸氣]]



X-PLANET FOC系列恐龍,今年基本除自創角色,本家五子出齊!

[[px龍係玩外形同可動。變形過程順手一般!
鋼鎖有小牙煙位,唔小心死力拉就出事!]]
造型還原FOC,品質不錯,鋼鎖本人有入,除變龍尾部份有少少麻煩和手指痛,
人型龍型有足夠可動,吸引有玩GAME的玩家!


最後啦!講下今年D黑馬,同奇怪新品,首先UT三變惡頓,三變設計比一般更難,

我自己有入手,無論變形,人型可動都玩得好暢快,造型較G1,變民航機簡直一絕!

看來UT確有令FANS改觀的實力,消息指仲有三變沙暴,希望又係好物啦!




黑馬中的黑馬,就是BadCube,因第一作出品麻麻,廠方痛定思痛改名自嘲,
大漢出品質超班,接著衝鋒頭紅坦克,變形複雜而品質優良,

以上兩作令剛出品閃電光吸引了不少FANS入手,複雜的變形早有FPJ,但實在被人鬧不少,
但普遍入BC的朋友反而好享受變形複雜,本人未有機會入手,詳情不清楚,不過我細想下,

FPJ複雜再加上有易爛位,而BC未聽過有易爛位,
是否真的單純有這原因?還是愛屋及烏?

[[最驚喜,Bad Cube 戰戟。]]



奇怪新品 Hero Hobby QD-01 鋼仔,鋼鎖本身為人氣角色,
Q版後的暴龍仔更夠得意!
而且有不少合金,四佰幾,值唔值一入呢?




以上資料可能有誤,也有遺留...最少無提以下兩隻...
[[第三方最差產品:Megasteel 坦克麥。要外形冇外形,
要QC冇QC,變形毫不吸引,完全被官方坦克麥完勝。]]

[[最 like 既就係 Gigapower 條龍,無得頂丫!]]


本人無乜記憶,唔多口啦!這樣,總算完成,三方回顧比官方辛苦多,
打了幾星期,又要搵圖,暫時所見三方的確更為精彩,
來年三方似是 G1 MP年,各位FANS,是否血已乾?
食樹皮?少心連樹皮都被炒高呀!XDD

离线epzero

发帖
6981
能量块
211200
经验值
35645
贡献值
0
交易币
0
只看该作者 4 发表于: 2016-01-23
BC战戟的设计思路挺有意思的,从小人形变成大载具。
快速回复
限120 字节
 
上一个 下一个